Un camioneiro resultou ferido na Pastoriza ao envorcar o vehículo que conducía. Non houbo máis persoas implicadas no accidente.
Segundo informa o 112 Galicia, sobre as 14,00 horas foi coñecedor dun accidente cun camión implicado, a través de Urxencias Sanitarias. Posteriormente, comunicouse co servizo de emerxencias un particular, que indicou que había unha persoa ferida, o camioneiro, que estaba a transportar rocas no momento do suceso, e que se atopaba xa fose do vehículo envorcado.
Os xestores do 112 Galicia informaron o suceso aos bombeiros de Vilalba, ao GES de Pontenova e á Garda Civil de Tráfico, que se desprazou ata o punto.
Tamén se mobilizou unha ambulancia ao ter coñecemento do accidente, segundo indicou o Servizo de Urxencias Sanitarias de Galicia-061.
