Axentes da Policía Local detiveron en Lugo a un home que os ameazou e tratou de agredilos tras acudir á rúa Mariña Española por unha pelexa, segundo recolle o parte de incidencias. A detención produciuse esta madrugada por parte dunha patrulla do grupo operativo nocturno da Policía Local. Á súa chegada, os axentes observaron como o home, de 46 anos e veciño da cidade, increpaba ós acompañantes dunhas mulleres que trataban de abandonar o lugar.
Por iso, avisárono de que mudara a súa actitude, facendo caso omiso e encarándose e ameazando aos polícias, ademais de levantar o seu puño cara a eles para agredilos. Ademais, tratou de arrebatar a un a súa defensa regulamentaria polo que foi inmobilizado. Os axentes procederon á súa detención e traslado a dependencias policiais, coa instrución de dilixencias para o xulgado.
