O Xulgado de Instrución número 2 de Lugo abriu dilixencias, por un presunto delito de inxurias e calumnias, contra a nai e a avoa dunha nena que acusaron a unha das profesoras do centro educativo no que cursa a menor de maltratala e envelenala. A docente, a quen as dúas mulleres culparon en reiteradas ocasións de someter á menor a diferentes tipos de malos tratos e de tentar envenenala, foi quen presentou a denuncia ao sentirse prexudicada por tales acusacións.
Como consecuencia de todo iso, a proxenitora e a avoa da menor, confirmaron a Europa Press fontes do Tribunal Superior de Xustiza de Galicia (TSXG), atópanse actualmente sendo investigadas por un presunto delito de inxurias e calumnias contra funcionario público. A xuíza titular do órgano que instrúe o caso continúa realizando dilixencias sobre un asunto no que tamén tomou parte o servizo de menores da Xunta de Galicia.
