InicioA UlloaSumar Galicia advirte que o proxecto de Altri "pode ir contra xeracións...

Sumar Galicia advirte que o proxecto de Altri “pode ir contra xeracións futuras”

Podemos Galicia critica así mesmo a pretensión da empresa de financiar parte do proxecto con fondos europeos.

PUBLICADA O

- Advertisement -

O portavoz de Sumar Galicia, Paulo Carlos López, manifestou a “profunda preocupación” da súa formación co proxecto de celulosa e de fibras téxtiles que Altri quere instalar no municipio lucense de Palas de Rei, xa que cre que “non representa un desenvolvemento económico sustentable” e que “pode ir contra xeracións futuras”.

Antes de manter un encontro con representantes da Plataforma Ulloa Viva xunto cos deputados de Sumar Galicia no Congreso, Verónica Martínez e Manuel Lago, e con Marta Lois no lugar onde se prevé situar a factoría, o representante de Sumar sinalou que como “forza laborista” quere postos de traballo “de calidade” en Galicia, pero “non a calquera prezo”. Ademais, asegurou que o proxecto industrial de Altri na comarca da Ulloa “parece non responder a unha dimensión estratéxica da economía produtiva de Galicia”, posto que “se presenta illado” e “non ten en conta os diversos actores e sectores”.

“Cremos que tanto a Xunta, como a propia empresa e os lobbies que están a actuar, teñen a responsabilidade de ser transparentes e indicar exactamente que queren facer e cales son as consecuencias, que desde Sumar Galicia vemos, a priori, negativas para o medioambiente”, aseverou.

PODEMOS: “ALTRI, ASÍ, NON”

Pola súa banda, Podemos Galicia informou de que leva semanas en contacto coa Plataforma Ulloa Viva para coordinar accións que “poñan fin ao proxecto de instalación da macroplanta celulosa de Altri en Palas de Rei”.

Nunha nota de prensa, reivindicou que asume como propia a demanda da plataforma e asegura que pon os medios da formación morada á súa disposición. “Estaremos onde sexa necesario e reclamaremos onde sexa necesario, da man da Plataforma Ulloa Viva, para deter este atentado natural”, manifestou a portavoz de Podemos Galicia, Isabel Faraldo.

Así mesmo, criticou a pretensión da empresa de financiar parte do proxecto con fondos europeos, sobre o que expuxo que “non é a primeira vez que unha empresa dotada de fondos públicos se instala, deteriora e marcha anos despois cun dano irreparable”.

ÚLTIMAS

Ulloa Viva anima á cidadanía a presentar alegacións contra o proxecto de Altri e pide á Xunta ampliar o prazo

A Plataforma Ulloa Viva anima á cidadanía a presentar alegacións contra o proxecto de...

Piden 15 anos por maltratar e agredir sexualmente de forma continuada á súa parella diante do seu fillo menor en Lugo

A Audiencia Provincial de Lugo xulga este xoves, 18 de abril, a un home para o que...

O Concello de Lugo recibe a insignia de honra da Confraría do Bo Xesús no seu 75 aniversario

O edil de Dinamización Económica, Mauricio Repetto, recibiu este sábado en nome do Concello de...

A planta que Altri proxecta en Palas de Rei será a primeira que integre os 2 procesos necesarios para producir Lyocell

A planta que Greenfiber, formada pola enerxética Greenalia e a multinacional lusa Altri, proxecta en Palas de Rei,...