O tráfico na estrada N-6 ao seu paso por Lugo quedou restablecido tras estar cortado, no mediodía deste domingo, pola caída dunha árbore sobre a vía. Segundo informou o 112, foi minutos despois das 13.15 horas cando un particular alertou de que, no quilómetro 500 desa estrada, había unha árbore caída e soamente quedaba liberada unha parte da beiravía. Ata o punto desprazáronse a Garda Civil de Tráfico, os Bombeiros de Lugo e os servizos de mantemento da estrada.