- Advertisement -
Un home necesitou asistencia sanitaria ao resultar ferido tras caer no interior do seu domicilio, situado no muncipio lucense de Xermade, e perder a mobilidade. Segundo informou o 112, o home, que deu el mesmo a voz de alarma, atopábase só e estaba confuso, polo que puxeron ao ferido en contacto cos médicos de Urxencias Sanitarias de Galicia-061 para recibir as primeiras indicacións. A central de emerxencias alertou aos Bombeiros de Vilalba, que se encargaron de facilitar o acceso á vivenda, posto que o ferido estaba só e sen posibilidade de moverse. Ata o punto tamén acudiron os axentes da Garda Civil e os voluntarios de Protección Civil da localidade.
