O Xulgado de Instrución número 2 de Vilalba investiga a morte dun octoxenario que se atopaba desaparecido desde o venres no municipio lucense e cuxo cadáver foi encontrado este luns nas inmediacións da parroquia de Sancovade.

Segundo trasladaron fontes coñecedoras do caso a Europa Press, o xulgado recibiu o informe preliminar da autopsia, que indica que a causa é indeterminada, polo que haberá que esperar ao informe definitivo.

O home levaba desaparecido desde o venres e este luns un familiar deu a voz de alarma. Así, activouse un operativo de procura no que participaron axentes da Garda Civil e da Policía Local, que finalmente acharon o corpo sen vida do octoxenario nun pequeno río nas proximidades da parroquia de Sancovade.

E.P.

+ postsBio ⮌

• E.P.

  Os bombeiros intentan sufocar un incendio en Xermade
• E.P.

  Xunta e Deputación de Lugo avanzan no consenso sobre o anteproxecto da Lei de Administración Local
• E.P.

  Senadores do PP de Lugo sinalan que o Goberno non acometerá a rehabilitación da N-120
• E.P.

  Dous homes sentan no banco da Audiencia Provincial por unha pelexa con pa e aixada que acabou coa perda dun ollo na Fonsagrada