A Policía Nacional detivo a unha parella do municipio de Vilalba (Lugo) como presuntos autores dun delito de tráfico de drogas nun operativo no que se interviñeron 18 quilos de cogollos de marihuana.
O operativo activouse por un aviso unha empresa de transporte que sospeitaba do contido de catro paquetes que chegaron aos seus almacéns, xa que os seus empregados detectaron que “desprendían un forte cheiro”.
A investigación levada a cabo pola Policía Nacional e a Dirección Adxunta de Vixilancia Aduaneira (DAVA) identificou que a mercadoría tiña como punto de entrega a esta parella en Vilalba, o que se puxo en coñecemento da autoridade xudicial e deu lugar á detención das dúas persoas ás que ía dirixido o envío.
Unha vez detidas, ambos foron trasladados á Comisaría Provincial de Lugo, onde foron escoitadas en declaración, segundo informa a Policía nun comunicado.
