- Advertisement -
A Garda Civil localizou con vida na mañá deste venres a unha muller de 85 anos que se atopaba desparecida desde o xoves en Castro de Rei.
A ausencia da octoxenaria foi denunciada tras faltar do seu fogar, o que motivou a articulación dun dispositivo de procura no que participaron os axentes dos postos de Cospeito, Pastoriza e Vilalba.
Finalmente, foi atopada ás 9,30 horas deste venres. A muller atopábase desorientada aínda que consciente e en posición decubito supino. A octoxenaria foi trasladada a un centro hospitalario para ser sometida a unha avaliación médica.
