Un operario resultou ferido despois de caer desde unha escaleira na localidade lucense de Carballedo. En concreto, o suceso produciuse na parroquia de Lousada. Segundo os datos facilitados polo 112, os feitos ocorreron pasadas as 11,30 horas deste martes. Foi un particular quen alertou á central de emerxencias de que un traballador se caeu desde unha escaleira cando se atopaba a varios metros de altura.

Con esta información, foron mobilizados ata o lugar os servizos sanitarios e axentes da Garda Civil, así como voluntarios de Protección Civil de Carballedo. O Servizo de Urxencias Sanitarias de Galicia-061 mobilizou ata o punto a un helicóptero medicalizado, no que foi trasladado o ferido ao Complexo Hospitalario Universitario de Ourense.