Un ciclista resultou ferido este domingo tras ser atropelado por un vehículo en Palas de Rei. O ferido tivo que ser trasladado en helicóptero medicalizado ata o Hospital Universitario Lucus Augusti.
O 112 Galicia tivo constancia dos feitos a través da chamada dun particular, xusto despois das 15,00 horas. Na Avenida de Compostela, un vehículo atropelara a un ciclista que, segundo confirmaron pouco despois os servizos sanitarios, quedou tendido sobre o chan, inconsciente.
O servizo solicitou a colaboración de Urxencias Sanitarias de Galicia-061, da Garda Civil de Tráfico, do GES de Friol-Palas e da Agrupación de Voluntarios de Protección Civil de Palas de Rei.
Desde Urxencias Sanitarias de Galicia-061 comunicouse a saída do helicóptero medicalizado con base en Santiago, que tomou terra nas proximidades do lugar do accidente e que finalmente trasladaría ao ferido ata o centro hospitalario lucense.
Pola súa banda, os efectivos do GES de Friol e de Protección Civil que participaron neste operativo encargáronse da limpeza da vía.
