InicioSucesosA acusada de abandonar o seu recén nacido no hospital de Lugo...

A acusada de abandonar o seu recén nacido no hospital de Lugo asegura que ía velo “cando podía”

O menor foi tutelado pola Xunta poucos días despois do seu nacemento, ao declaralo en desamparo.

PUBLICADA O

- Advertisement -

Finalmente as partes non chegaron a un acordo de conformidade e este martes arrincou o xuízo en Lugo contra unha nai de Monforte de Lemos que supostamente abandonou o seu recén nacido no hospital tras dar a luz, algo que ela negou e alegou que ía velo “cando podía”. Fiscalía pide para ela dous anos e medio de prisión.

Por videoconferencia e desde Monforte declarou ante o xuíz a muller, que ten outros catro fillos de idades comprendidas entre o trece anos e tan só un, no caso da máis pequena.

Os feitos xulgados remóntanse a decembro de 2018, cando a muller deu a luz a un bebé no Hospital de Monforte. Tras o dar a luz, a nai e o bebé foron trasladados ao Hospital de Lugo, onde o recén nacido quedou ingresado na UCI de neonatos.

Segundo o escrito de acusación Fiscal, despois de recibir o alta, o 21 de decembro, a procesada non visitou ao menor na sala de coidados intensivos onde permaneceu ingresado dous meses e medio e tampouco o inscribiu. O menor foi tutelado pola Xunta poucos días despois do seu nacemento, ao declaralo en desamparo.

Durante a vista, a muller asegurou que ía ver ao bebe “cando podía” –enumerou un cinco veces– e que “chamaba todos os días” interesándose por el ao hospital lucense, dado que lle dicían que o pequeno “estaba grave”.

A preguntas da Fiscalía, a acusada replicou que deixou de interesarse polo pequeno “cando non llo deixaron ver” no Hula, e porque soubo que “estaba tutelado e queríano dar en adopción”. “Eu sabía que ía estar ben aí”, xustificou en sede xudicial.

Por outra banda, a nai asegurou que, aínda que deu a luz en decembro, non foi ata outubro que descubriu que estaba embarazada, porque tiña “a regra igual”. No xuízo negou que se houbese drogado durante o embarazo, aínda que non soubo explicar a preguntas da acusación como é que o bebé “deu positivo en drogas” ao nacer. Ela afirmou que só tomaba “anticonceptivos”.

ÚLTIMAS

Acepta 10 anos de prisión por dúas violacións, pero só cumprirá seis meses antes de ser expulsado do país

Un home de nacionalidade colombiana confesou este xoves na Audiencia Provincial de Lugo ser...

Detido en Lugo por apuñalar a outro home tras unha discusión na rúa

A Policía Local de Lugo detivo a un home por apuñalar cunha navalla a...

Toma posesión a nova presidenta da Audiencia Provincial de Lugo

A maxistrada Sandra María Piñeiro Vilas tomou este xoves posesión como presidenta da Audiencia...

A Policía detén dous homes por presunta violencia machista en dous días consecutivos

A Policía Local de Lugo detivo o domingo e o luns a dous homes...