Unha colisión múltiple entre seis vehículos deixou a tres persoas feridas no municipio lucense de Castroverde. Con todo, os feridos non presentaban lesións de gravidade.

Segundo informou o 112, un particular informou pasados uns minutos das 9,30 horas, dunha colisión entre varios vehículos, un deles envorcado, ao seu paso pola LU-530, punto quilométrico 130, en Paderne.

O servizo informou o Servizo de Urxencias Sanitarias de Galicia-061, á Garda Civil de Tráfico e aos Bombeiros de Sarria, cuxa intervención non foi finalmente necesaria. Así mesmo, desde o 112 Galicia tamén se informou ao persoal de mantemento da estrada.

Unha vez no punto e tras confirmar que foran seis os vehículos afectados, os axentes indicaron que o tres persoas, a pesar de resultar feridas de carácter leve, foron trasladadas polos servizos sanitarios.