InicioSucesosMobilizan un helicóptero gardacostas para o rescate dun operario nun monte inaccesible...

Mobilizan un helicóptero gardacostas para o rescate dun operario nun monte inaccesible da Fonsagrada

PUBLICADA O

- Advertisement -

As difíciles condicións do terreo dificultan o rescate dun operario na Fonsagrada, que resultou ferido ao caerlle unha árbore enrima cando traballaba no monte. Así, foi mobilizado o helicóptero Pesca II para o rescate, xa que a aeronave do 061 non pode acceder ao lugar.

Segundo o boletín actualizado do 112, o terreo, de gran pendente, impide que o helicóptero medicalizado con base en Ourense aterre no punto. Por tanto, os servizos sanitarios solicitaron a colaboración do helicóptero de rescate Pesca II, do Servizo de Gardacostas de Galicia, para evacuar ao paciente ata o punto no que agardan tanto a aeronave medicalizada como a ambulancia para un posterior traslado.

Un compañeiro do ferido que se atopaba no lugar alertou ao 112 sobre as 13 horas do ocorrido, no lugar de Sudros, en San Pedro de Río.

Segundo o mesmo alertante, aínda que o ferido estaba liberado desde os primeiros instantes, permanecía inmóbil de cintura para abaixo. Ademais, a estrada máis próxima, a LU-530, quedaba a varios quilómetros do punto.

Con esta información, inicialmente os xestores do 112 solicitaron a colaboración de Urxencias Sanitarias de Galicia-061, da Garda Civil e dos membros da Agrupación de Voluntarios de Protección Civil da Fonsagrada.

ÚLTIMAS

Morre un home tras ser rescatado inconsciente dun río en Chantada

Un home faleceu na tarde deste martes tras ser rescatado inconsciente no embarcadoiro de...

Así quedou restaurado o mural de Lugo por Palestina tras ser atacado

"O pasado domingo 14 rematouse de pintar un mural en apoio a Palestina e...

Dous homes investigados por pescar troitas con electricidade no río Rodil

A Garda Civil investiga a un veciño da Fonsagrada, de 72 anos, e a...

Detidos dous veciños de Lugo acusados de roubar 200 quilos de cobre nunha empresa

A Garda Civil detivo en Vilalba a dous veciños de Lugo acusados de roubar 200 quilos...