Segundo informarion varias fontes a LugoXornal, podería existir un caso de acoso a menores na contorna de dous centros de ensino do centro de Lugo. Así, e como relatan varias testemuñas, no cruce entre Obispo Aguirre e a avenida Ramón Ferreiro estaría a actuar un varón de avanzada idade, que supostamente leva días detrás das rapazas do colexio marista A Inmamculada e do instituto Ollos Grandes.
Dende a intersección entre as rúas nos que están emplazados estes centros de ensino, onde está un coñecido bar no que os alumnos soen comer durante o recreo e despois das clases, este individuo supostamente acosa ás cativas, con miradas inapropiadas, comentarios machistas –nos que convida ás rapazas máis pequenas a acompañalo– e incluso procurando o contacto físico. Este comportamento chegou ao límite, segundo unha testemuña, de que un pai tivo que correr e intervir para alonxar á filla logo de que o sexaxenario tentara tirar dela.
Malia que LugoXornal puido corroborar presencialmente a veracidade deste comportamento de acoso, nin a Policía Local nin a Policía Nacional teñen constancia da situación, pois non recibiron ningún tipo de comunicación ao respecto e non existen denuncias. Fontes policiais aseguran que o último caso de acoso data de hai dous anos e non está vencellado ao actual.
