O corpo dunha muller de 42 anos foi achado sen vida pasadas as 22,00 horas deste domingo no seu domicilio na rúa Quiroga  con signos de violencia.

Segundo confirmaron fontes policiais a Europa Press, o crime investígase como un homicidio. As mesmas fontes indicaron que o cadáver mostraba signos de recibir varias coiteladas.

Polo momento, non hai detidos e son varias as hipóteses que se barallan por parte dos axentes policiais que asumiron a investigación.

A muller rexentaba unha froitería no barrio lucense da Milagrosa. O levantamento do cadáver, para proceder a realizarlle a autopsia, produciuse preto da madrugada. O Xulgado número 1 de Lugo leva o caso.

E.P.

+ postsBio ⮌

This author does not have any more posts