Un operario morreu este luns ao quedar atrapado tras producirse un desprendemento de terra nunha canteira da Fonsagrada.

Segundo informa o 112 Galicia, o traballador quedouse debaixo dunha masa de pedras que, ao desprenderse, caeron sobre o lugar onde se atopaba.

Ocorreu no lugar de Vilarín de Arriba sobre as 12.30 horas, cando un particular chamou á central de emerxencias para alertar deste accidente laboral.

Foron os bombeiros de Sarria os encargados de liberar por completo ao operario, aínda que os servizos sanitarios desprazados ao lugar tan só puideron confirmar o seu falecemento.

Tamén se desprazaron ata o lugar dos feitos os axentes da Garda Civil e os voluntarios de Protección Civil da Fonsagrada.