A Policía Local de Lugo auxiliou a un home de avanzada idade que caeu na súa vivenda da rúa Trevo e era incapaz de levantarse en por si nin coa axuda das persoas que viven con el.
Sobre as 4,15 horas da madrugada, os axentes acudiron ao domicilio para realizar este labor de auxilio ao home que se atopaba tirado nun baño de reducidas dimensións, encaixado detrás da porta.
Así, conseguiron incorporalo e trasladalo até o dormitorio. O home rexeitou asistencia médica ao atoparse ben ao coidado dos familiares na vivenda.
