InicioPolíticaRubén Arroxo denuncia ante a Policía Nacional ameazas de morte en Facebook

Rubén Arroxo denuncia ante a Policía Nacional ameazas de morte en Facebook

"Vou por eles e mesmo son capaz de cortarlle o pescozo a ese fillo de puta do Bloque, que o pense que non sabe o que lle espera" , dicía un dos comentarios.

PUBLICADA O

- Advertisement -

O primeiro tenente de alcaldesa e portavoz do BNG no Concello de Lugo, Rubén Arroxo, denunciou este xoves ante a comisaría da Policía Nacional da cidade recibir ameazas de morte a través das redes sociais.

En concreto, tal e como reflicte unha captura de pantalla difundida polo dirixente nacionalista, atopouse no seu perfil de Facebook con dous comentarios –con erros ortográficos– como o que segue: “Falta o carril bici e as árbores que tallaron que dicían os terroristas do BNG que non ía tallar ningunha árbore e os aparcadoiros que uns de puta que son, había que linchar ao Rubén Arroxo”.

Outro dos comentarios dicía: “Vou por eles e mesmo son capaz de cortarlle o pescozo a ese fillo de puta do Bloque, que o pense que non sabe o que lle espera”. O propio portavoz nacionalista confirmou que ditas ameazas as recibiu o mércores “pola noite”. “Xa van varias este ano e só pola actividade que estamos a facer desde o Concello de Lugo”, engadiu.

Neste contexto, Arroxo advertiu que non van consentir que “por unha cuestión ideolóxica” o sigan ameazando de morte. Por todo iso, acudiu á Comisaría a denunciar para que a Policía e a xustiza “fagan o seu traballo”.

“Hai que parar a todas as persoas que tentan ameazar de morte a outros, simplemente, pola súa forma de pensar”, desexou finalmente o tenente de alcaldesa, quen xa fora vítima anteriormente de pintadas intimidatorias. A pesar de todo, fontes próximas a Arroxo aseguran que está “moi tranquilo”.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...