A Policía Local de Lugo tramitou 104 denuncias por exceso de velocidade na capital luguesa do 4 ao 7 de xullo, entre eles a un condutor que circulaba a 96 quilómetros por hora nunha zona limitada a 50.

Segundo informou a Policía Local de Lugo, estableceu diversos controis de velocidade no marco da campaña activada pola Dirección Xeral de Tráfico durante os días 4 ao 7 de xullo cun vehículo dotado de cinemómetro en vías nas que se detecta “un maior número de accidentes de circulación”, co obxectivo de reducir a sinistralidade.

Neses dispositivos a Policía Local controlou un total de 2.818 vehículos e, derivado diso, tramitou 104 denuncias por exceso de velocidade na cidade de Lugo. A velocidade máis elevada captada ascendeu a 96 quilómetros por hora nunha vía limitada a 50 km/l, o que supón para o condutor unha sanción de 500 euros e a retirada de seis puntos do permiso de conducir.