Dous operarios duns 31 e 43 anos de idade resultaron feridos ao caer dunha estada este martes pola mañá nunhas obras na cidade de Lugo. Segundo informou o 112 Galicia, pasadas as 9,20 horas deste martes na cidade de Lugo produciuse un accidente laboral con dous operarios feridos por mor da caída dunha estada.
Os feitos sucederon na Rolda de Valle Inclán e, para atender aos afectados, os xestores do 112 pediron a colaboración de Urxencias Sanitarias de Galicia-061.
Ao lugar o 061 desprazou unha ambulancia de soporte vital básico e un equipo sanitario de Atención Primaria de Lugo para atender aos feridos, I.O.B., de 31 anos, e R.A.B., de 43 anos, que foron trasladado ao Hospital Lucus Augusti (HULA), confirmaron a Europa Press fontes sanitarias.
Tamén foron informados axentes da Policía Local e Nacional co fin de recoller toda a información sobre o sucedido.
