Axentes da Garda Civil detiveron en Vilalba un mozo de 27 anos tras ser sorprendido ao volante dun vehículo de alta gama baixo os efectos de sustancias estupefacientes e sen carné por perder a vixencia del.
Segundo informou o Instituto Armado, a Garda Civil detivo este mozo veciño de Cospeito de 27 anos de idade como presunto autor dun delito de condución temeraria, condución con perda da vixencia do permiso de conducir, delito de resistencia e desobediencia e un delito de condución baixo os efectos de sustancias estupefacientes.
Por outra banda, A Garda Civil arrestou na localidade de Chantada a unha veciña de Vitoria, á cal lle consta unha orde requisitoria de procura, detención e personación en vigor dimanante do Xulgado do Penal número 1 de Vitoria. A persoa detida foi posta a disposición do Xulgado de 1ª Instancia e Instrución número 1 de Chantada.
