InicioSociedadeInvestigan unha rede de explotación laboral para coidar maiores en Castroverde

Investigan unha rede de explotación laboral para coidar maiores en Castroverde

Unhas 60 mulleres de orixe suramericana, sen papeis, supostamente serían utilizadas por unha axencia asentada en Castroverde para dar atención a persoas maiores e enfermos con algunha discapacidade, con 12 e 14 horas diarias de traballo por entre 600 e mil euros, de luns a domingo.

PUBLICADA O

- Advertisement -

O alcalde de Castroverde, José María Arias, confirmou este martes que está “aberta” unha investigación sobre unha rede de explotación laboral asentada neste municipio para atender a persoas maiores e enfermas con algunha discapacidade.

Segundo informou o rexedor, a investigación, segundo adiantou o diario ‘El Progreso’, lévaa o Xulgado de Instrución número 3 de Lugo, cuxo titular xa interrogou a algunha das vítimas da devandita rede que foi descuberta pola Garda Civil.

Así, unhas 60 mulleres de orixe suramericana, sen papeis, supostamente serían utilizadas por unha axencia asentada en Castroverde para dar atención a persoas maiores e enfermos con algunha discapacidade, con 12 e 14 horas diarias de traballo por entre 600 e mil euros, de luns a domingo, e cobraban en man.

A dona da axencia, de 48 anos de idade, e a súa filla, de 27, supostamente fixeran crer a estas mulleres que para realizar o seu traballo estaba todo en regra.

O alcalde de Castroverde sinalou que se trata dunha “empresa que levaba o servizo de Atención no Fogar” neste municipio da montaña de Lugo. “No que lle compete ao Concello non hai nada, estaba todo en regra. Outras cousas son cousas nas que non me podo meter como poidan ser empresas paralelas”, abundou.

As dúas persoas investigadas non son de Castroverde, senón residentes e veciñas do municipio de Baleira, segundo aclarou o alcalde José María Arias.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...