InicioSucesosIdentificado o presunto autor de varios furtos en Lugo

Identificado o presunto autor de varios furtos en Lugo

A Policía Local identifica a outro home por tentar subtraer a decoración dunha tenda.

PUBLICADA O

- Advertisement -

A Policía Local de Lugo identificou o venres un home de 30 anos como o presunto autor de varios furtos cometidos na cidade cando tentou pagar cun cartón bancario que non era da súa propiedade.

Segundo informa o corpo municipal, foi interceptado despois de que, sobre as 20,30 horas, unha patrulla da Policía de Barrio fose avisada pola sala do 092 para que acudise a un establecemento da Avenida da Coruña, xa que ao parecer unha persoa tentara abonar uns produtos cun cartón que non estaba ao seu nome.

Ao chegar, os axentes foron informados de que un individuo abonou uns paquetes de tabaco –o seu valor total non pasaba de 20 euros– pero, ao tentar comprar máis, solicitóuselle o pin. Nese momento, a dona do local decatouse de que o dispositivo non era da súa propiedade.

Tras ser informados da descrición física deste home, os policías localizárono diante da estación de autobuses e procederon á súa identificación.

Tamén lle practicaron un rexistro no que acharon nunha bolsa un plumífero, trece paquetes de tabaco, un chisqueiro, dous móbiles e diñeiro. Ao seu lado, tirada, tiña unha carteira con documentos pertencentes a outra persoa.

Así mesmo, os axentes comprobaron que a identidade deste home responde as características do presunto autor de varios furtos no centro histórico da cidade, polo que se instruíron dilixencias para remitilas ao xulgado de garda.

INTENTO DE SUBTRACCIÓN DE OBXECTOS

Do mesmo xeito, a Policía Local de Lugo identificou o sábado a un home, de 55 anos, que tentou subtraer uns obxectos decorativos do expositor dunha tenda. Sobre as 11,40 da mañá, a unidade de Policía de Barrio foi comisionada pola sala do 091 para que acudise a un establecemento da rúa Bo Xesús. O responsable da tenda conseguira reter a este home no interior ata que chegaron os axentes.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...