Axentes da Policía Local detiveron a unha moza de 18 anos por un delito de violencia doméstica tras golpear a outra moza de 21 anos cun vaso na cabeza no marco dunha discusión familiar en Lugo.
Segundo informou a Policía Local, sobre as 6,00 horas do pasado 15 de maio unha patrulla do Grupo Operativo Nocturno da Policía Local foi enviada a un edificio da rúa Paxariños porque se producía unha pelexa.
Ao chegar os axentes observaron a unha moza de 21 anos tirada no chan cunha fenda na cabeza, relatan as mesmas fontes policiais, que sangraba “abundantemente”, engaden. Segundo manifestou, fora agredida “por unha familiar” e foi requirida a presenza dunha ambulancia para o seu traslado ao Hospital Universitario Lucus Augusti (HULA).
Os axentes mobilizados localizaron á persoa de 18 anos presunta autora da agresión, quen manifestou que se pelexou coa súa familiar e, no medio da discusión, golpeouna cun vaso na cabeza.
Por iso, foi detida esta persoa e trasladada a un centro sanitario en primeiro lugar e, posteriormente, a dependencias policiais, onde se instruíron dilixencias por un delito de violencia doméstica.
