A Policía Local de Lugo instruíu dilixencias contra un condutor ebrio que causou un accidente de circulación na rúa Castelao da cidade das murallas.
En concreto, o suceso tivo lugar este mércores ás 20,30 horas, cando os axentes foron mobilizados por un accidente de tráfico na rúa Castelao.
Ao chegar, comprobaron que un turismo, que circulaba pola devandita vía con dirección á Rolda da Muralla, saíu da vía, chocando contra un vehículo estacionado.
Xa que o condutor presentaba signos de embriaguez, foi sometido a probas de detección de alcol, que deron un resultado positivo de 0,73 miligramos/litro.