InicioSucesosDetida unha moza borracha en Lugo tras agredir a un axente e...

Detida unha moza borracha en Lugo tras agredir a un axente e ameazar a sanitarios que a atendían

Tivo que ser enviada ao hospital en ambulancia para a súa atención.

PUBLICADA O

- Advertisement -

Axentes da Policía Local de Lugo detiveron a unha moza de 31 anos que, en estado de embriaguez, tratou de agredir a un policía que tentou acougala nun local de lecer nocturno e ameazou a sanitarios no centro médico ao que foi trasladada para ser atendida.

Segundo informou a Policía Local, sobre as 1,30 horas deste 7 de abril unha patrulla do Grupo Operativo Nocturno foi enviada á rúa Marina Española porque unha persoa causaba problemas no interior dun local de lecer nocturno da zona.

Os axentes, ao chegar ao lugar, observaron a unha muller de 31 anos de idade que, en estado de embriaguez, comezou a “berrar e insultar aos policías”, destacan as mesmas fontes, polo que procederon a tranquilizar á esta persoa, “momento no que agarra polo peito a un dos axentes, dándolle unha patada nunha perna, tentando agredilo na cara“, polo que foi reducida e detida.

As mesmas fontes policiais destacaron que como esta persoa “seguía nun estado de moita agresividade” procedeuse a trasladala a un centro médico, momento no que cuspiu a un dos axentes e golpeou “violentamente”, destacan, o biombo de seguridade do vehículo policial durante o traslado.

Ademais, apunta a Policía Local, no centro médico insultou e ameazou “gravemente” aos sanitarios, polo que foi requirida a presenza dunha ambulancia do 061 para o seu traslado ao Hospital Universitario Lucus Augusti (HULA) para a súa valoración. Por estes feitos instruíronse dilixencias por un delito de atentado a axentes da autoridade para a súa remisión ao xulgado de garda.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...