Un veciño de Vilalba de 100 anos de idade faleceu este mércores ao sufrir un accidente co coche que conducía. O sinistro, rexistrado na estrada que une Vilalba e Paraxes, causou outro tres feridos, un deles de gravidade.
A vítima, de iniciais J.R.F.B., ía ao volante duns dos vehículos que impactou de fronte contra outro turismo. Sucedeu no punto quilométrico 7,850 da estrada LU-120 ao redor das 15,50 horas. Os servizos de emerxencia desprazados ao lugar do accidente tiveron que empregar material de excarceración para liberar o condutor falecido, que se atopaba atrapada no interior do seu coche.
O home faleceu no Hospital Lucus Augusti, onde foi evacuado en helicóptero polos profesionais de Urxencias Sanitarias, segundo confirmaron os servizos de emerxencias.
O outro ferido grave tamén foi trasladado ao hospital lugués, no seu caso, en ambulancia. As outras dúas persoas feridas foron atendidas no lugar do sinistro polos servizos sanitarios.
