InicioSucesosUnha muller denuncia unha agresión en Lugo por falar en galego

Unha muller denuncia unha agresión en Lugo por falar en galego

Aconteceu nun local de hostalaría. Segundo a vítima, o home colleuna fortemente polos brazos, ameazouna e sacoulle unha foto co seu móbil.

PUBLICADA O

- Advertisement -

Unha muller denunciou en Lugo a agresión por parte dun home nun local de hostalaría tras recriminarlle este que utilizase o galego, segundo informa a Policía Local. Sobre as 05,15 horas do domingo, unha patrulla do Grupo Operativo Nocturno da Policía Local de Lugo desprazouse á un local de hostalaría da rúa Milagrosa pola suposta agresión a unha muller.

Á súa chegada, esta indicoulles que estaba cunha amiga nun bar da zona falando en galego, momento no que se lle achegou un home que comezou a recriminarlle utilizar este idioma, colléndoa fortemente polos brazos, ameazándoa e sacándolle unha foto co seu teléfono móbil.

Os policías procederon a realizar unha batida pola zona e localizaron esta persoa na Avenida da Coruña. Procederon á súa identificación e instruíronselle dilixencias en dependencias policiais por estes feitos, quedando á espera de que a agredida formalice a correspondente denuncia, precisa a Policía Local.

Por outra banda, sobre as 06,00 horas do día 19 unha patrulla desprazouse a un local de lecer nocturno da rúa da Cruz, xa que unha persoa quedara encerrada no interior do local. Os axentes comprobaron que quedou durmida no baño, polo que se localizou ao xerente do establecemento para poder sacalo.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...