InicioSucesosInterceptado en Lugo un condutor que triplicou a taxa máxima de alcoholemia

Interceptado en Lugo un condutor que triplicou a taxa máxima de alcoholemia

Na Rolda Norte tivo lugar un accidente de tráfico con varios vehículos implicados onde catro persoas resultaron feridas.

PUBLICADA O

- Advertisement -

A Policía Local de Lugo interceptou un condutor na madrugada deste xoves con “condución irregular” que triplicou a taxa máxima de alcoholemia permitida. Segundo informou a Policía Local, ás 2,15 horas deste xoves unha patrulla observou a “circulación irregular” dun vehículo pola Rolda das Mercedes, polo que procedeu a deter a súa marcha.

Os axentes comprobaron que o condutor presentaba signos de inxerir bebidas alcohólicas, polo que foi sometido ás probas de detección regulamentarias, nas que obtivo positivos de 0,76 e 0,65 mg/l. Por iso, concretaron as mesmas fontes municipais, foi denunciado administrativamente, mentres que o vehículo que manexaba foi inmobilizado no lugar.

Durante a mesma noite, a Policía Local sinalou que foi necesario un dispositivo de Policía de Barrio na Avenida Benigno Rivera, sentido N-V, porque parte da calzada estaba afectada polo derrame dalgún tipo de líquido esvaradío. Os axentes, destacaron as mesmas fontes municipais, garantiron a seguridade viaria mentres duraron os labores de limpeza do pavimento por parte do servizo de Bombeiros de Lugo, porque, engaden, “o risco da situación aumentaba pola falta de visibilidade nese momento”.

ACCIDENTE

Por outra banda, durante a tarde deste mércores pasado a Unidade de Atestados foi enviada á Rolda Norte porque se produciu un accidente de tráfico. A Policía Local detallou que no sinistro estiveron implicados catro vehículos e resultaron catro persoas lesionadas, en principio sen gravidade, precisou.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...