InicioLugo e contornaLugoDesaloxados varios locais dun centro comercial en Lugo debido a un escape...

Desaloxados varios locais dun centro comercial en Lugo debido a un escape de gas

Non houbo que lamentar feridos.

PUBLICADA O

- Advertisement -

Os servizos de emerxencia desaloxaron este martes, como medida preventiva, varios establecementos dun centro comercial debido a un escape gas que tivo lugar nas proximidades das galerías comerciais, pero ningunha persoa resultou ferida nin afectada. Así o informou o 112 Galicia, que concretou que a fuga de gas produciuse ao danarse unha tubaxe nunha obra na Avenida Infanta Elena Duquesa de Lugo, no Polígono do Ceao.

Foi un operario da mesma quen contactou co 112 Galicia para alertar dos feitos. Segundo indicou na súa comunicación, picaran unha tubaxe de gas e non podían deter a fuga, pero concretou que ningunha persoa precisaba asistencia. Tras iso, o persoal do CIAE 112 Galicia informou o escape de gas aos Bombeiros de Lugo, á Policía Local, a Protección Civil da cidade e á empresa subministradora do gas.

Segundo confirmaron ao 112 Galicia os Bombeiros de Lugo, a fuga produciuse nas proximidades do centro comercial e habían desaloxado dous supermercados e tres establecementos comerciais. Tamén os axentes da Policía Local de Lugo informaron ao 112 Galicia de que o desaloxo fora con carácter preventivo e ningunha persoa precisaba asistencia.

Ademais, segundo a información facilitada ao 112 Galicia pola empresa subministradora do gas, a zona está asegurada e está previsto que os locais desaloxados volvan abrir nun tres horas.

ÚLTIMAS

Convocarán un concurso de ideas para desenvolver a contorna do Pazo de Dona Urraca

A Xunta continúa dando pasos para "seguir reactivando" o barrio da Tinería, no centro...

Detidas tres persoas dun clan familiar dedicado a venda de cocaína en Lugo

A Policía Nacional detivo a dous homes e a unha muller vinculadas a un clan familiar que se...

Reunión entre Rueda e Tomé para fixar un grupo de traballo sobre transferencia de diferentes estradas

O presidente da Xunta de Galicia, Alfonso Rueda, e o líder da Deputación Provincial...