A Policía Local de Lugo denunciou unha muller, de 41 anos, que circulaba cun vehículo na avenida das Fontiñas sen ter o carné de conducir, que nunca chegou a sacar, segundo informa.
Os feitos producíronse o mércores durante os controis de alcoholemia. O vehículo foi inmobilizado e contra a condutora instruíronse dilixencias por un delito contra a seguridade viaria.
Dáse a circunstancia que é o sexto delito que se lle investiga a esta condutora por estes mesmos feitos. Axentes da Garda Civil xa a interceptaron e abríronlle dilixencias penais en 2009, 2011, 2015 e en dúas ocasións no ano 2021.
Así mesmo, foi detectado un condutor que circulaba pola rúa Ramón Piñeiro e que presenta signos de embriaguez. Nas probas practicadas, arroxou un resultado positivo de 0,46 miligramos por litro.
