Unha persoa faleceu este venres tras quedar atrapada baixo un tractor nunha leira situada no lugar do San Queitano, en Castro de Rei. Segundo detallou o 112 Galicia, os feitos tiveron lugar pouco antes das 12,00 horas, cando os profesionais de Urxencias Sanitarias de Galicia-061 alertaron do accidente.

Deste xeito, os xestores do Centro Integrado de Atención ás Emerxencias (CIAE 112 Galicia) solicitaron a intervención dos Bombeiros de Vilalba e dos axentes da Garda Civil. Unha vez no lugar, os servizos sanitarios confirmaron o falecemento da persoa accidentada, que tivo que ser liberada do vehículo polos bombeiros.