Axentes da Policía Local de Lugo interviñeron o martes nun posible caso de violencia de xénero, segundo informa no seu parte de incidencias.
En concreto, ás 18,10 horas, unha patrulla de Policía de Barrio trasladouse a unha vivenda da rúa Cidade de Viveiro, ante o aviso dun posible caso de violencia de xénero recibido pola Sala do 092.
Unha vez no lugar, os policías entrevistáronse cunha muller, de 31 anos, que lles indicou que, cando informou á súa parella actual que ía visitar ao seu fillo e ao pai deste, o home enfadouse, quitoulle as chaves do domicilio que comparten, non podendo acceder ao mesmo, e tiroulle a roupa que tiña nas maletas.
O home foi localizado polos axentes nas inmediacións do edificio, negando o relatado pola muller e indicando que foi ela quen sacase a roupa da maleta para buscar as chaves de casa. Os axentes, aínda que a muller non quixo realizar ningún tipo de denuncia, iniciaron dilixencias para tratar de determinar como ocorresen os feitos.