A Policía Local de Lugo tramitou cinco actas denuncia entre a noite do 4 e 5 de maio a persoas que incumpriron o toque de queda establecido pola pandemia da Covid-19 entre as 23,00 e as 6,00 horas.
Segundo informou a Policía Local, na noite do 4 ao 5 de maio efectivos do Grupo Operativo Nocturno estableceron dispositivos para controlar o cumprimento das normas para frear a Covid-19 no marco dos que realizaron cinco actas de denuncia contra a Lei de Saúde de Galicia por transitar entre as 23,00 e as 6,00 horas “sen causa xustificada”.
Así mesmo, ás 00,58 horas deste 5 de maio detectouse un vehículo que circulaba pola rúa Tino Grandío cuxo condutor obtivo positivo na proba de detección alcohólica de 0,57 mg/l.
Por iso abrir expediente sancionador de mil euros e a retirada de seis puntos do carné do permiso de conducir. Ademais, foi denunciado por infracción á Lei de Saúde de Galicia por quebrantar o toque de queda.
