InicioSucesosA pelexa das Gándaras deixou catro feridos e obrigou a despregar un...

A pelexa das Gándaras deixou catro feridos e obrigou a despregar un dispositivo policial no Hula

Segundo fontes policiais, a liorta produciuse a carón do colexio deste barrio, onde dúas familias xitanas se enfrontaron e mesmo houbo un atropelo.

PUBLICADA O

- Advertisement -

Unha liorta entre pais fronte ao Ceip das Gándaras, en Lugo, saldouse con catro persoas atendidas no Hospital Universitario Lucus Augusti (HULA). Logo da pelexa, congregáronse alí decenas de persoas, polo que foi preciso despregar un importante dispositivo policial para evitar que se repetisen as tensións.

Segundo informaron fontes da Policía Nacional a Europa Press, os feitos ocorreron á primeira hora da mañá deste xoves, ao redor das 9:00 horas, cando se produciu unha pelexa entre unhas “4 ou 5 persoas” na contorna do Ceip As Gándaras.

De acordo con estas fontes, o mércores produciuse “algún problema” entre dous mozos de diferentes familias de etnia xitana, tras o que varios membros das súas familias se encerellaron nunha pelexa este xoves “para dirimir esas diferenzas”. A lea mesmo rematou cunha persoa golpeada por un coche.

No colexio deuse aviso á Policía Nacional sobre estes feitos, polo que ata o lugar desprazouse unha patrulla. Cando chegou xa só se atopaban no lugar os membros dunha das familias, mentres que a outra xa marchara.

DESPREGUE POLICIAL NO HULA

Catro das persoas que participaron na liorta acudiron ao Hospital Universitario Lucus Augusti para recibir atención médica. Ata o lugar tamén se desprazaron numerosos membros das familias implicadas.

Por este motivo, varias dotacións policiais trasladáronse ao centro hospitalario. Unha vez alí, os axentes tiveron que “acougar os ánimos” entre as persoas que se congregaron no lugar, aínda que non se produciu ningún altercado.

A partir dos feitos ocorridos, a Policía Nacional iniciou unha investigación para tratar de dirimir o que pasou e determinar que persoas están lesionadas, que gravidade teñen esas lesións e quen ou quen foron os causantes.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...