Unha muller resultou ferida nun accidente de tráfico rexistrado ao saírse da vía o vehículo no que circulaba ao seu paso por Guitiriz. Segundo informou o 112 Galicia, o suceso tivo lugarr na N-VI, na curva de Roca, sentido Begonte.
Foi unha persoa particular quen chamou ao 112 sobre as 9,30 horas para informar dun turismo envorcado á altura do punto quilométrico 534 da N-VI. Logo diso, o 112 pasou aviso aos profesionais sanitarios, aos Bombeiros de Vilalba, aos axentes da Garda Civil de Tráfico e á Policía Local. Así mesmo, alertou aos efectivos de Protección Civil da localidade e ao persoal de mantemento das estradas.
Tras comprobarse que a ferida se atopaba liberada e accesible, o equipo sanitario desprazado ata o lugar procedeu a prestar asistencia á muller e trasladala a un centro hospitalario.
