InicioSucesosO Concello de Lugo: "O alcance do incendio non garda relación coa...

O Concello de Lugo: “O alcance do incendio non garda relación coa presión da auga no polígono”

Álvaro Santos achaca as graves consecuencias ao tipo de materiais "altamente inflamables" que había nas naves e ás condicións climatolóxicas que fixeron "incontible" a progresión das chamas.

PUBLICADA O

- Advertisement -

O goberno local de Lugo desvinculou o alcance do incendio no polígono do Ceao á presión da auga para sufocalo. No canto diso, atribuíu as importantes consecuencias do lume aos materiais que arderon e á escasa distancia entre naves.

O aínda edil de Medio Ambiente, Álvaro Santos, asegurou que dende que se decretou o incendio, o subministro de auga “estivo garantido”. “A envergadura do incendio e, sobre todo, as consecuencias que tivo, non gardan ningunha relación coa presión nin co caudal de auga dos hidrantes do polígono, que se atopa abastecido cun depósito propio”, indicou.

Así, conclúe que “todo apunta a que a extensión da superficie que se viu afectada polas chamas obedece á elevadísima carga térmica do foco que as propiciou e que, axudada polas condicións climatoloxóxicas, facía incontible a progresión das chamas”.

Tamén foi determinante, asegurou, o “tipo de materiais, altamente inflamables, que se almacenaban nestes negocios, entres os que apenas existía separación que actuase como cortalumes”, resaltou.

ÚLTIMAS

XXI Xornadas Técnicas de Seragro: 14 e 15 de novembro

O comité organizador das XXI Xornadas Técnicas de Seragro está xa a traballar na...

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Detido un veciño de Mondoñedo tras romper peches de campos de pasto de gando vacún

A Garda Civil detivo a un veciño da localidade lucense de Mondoñedo tras romper...

Cáritas advirte da existencia dunha “feminización da pobreza” na cidade durante o 2023

Cáritas Diocesana de Lugo alertou este xoves, durante o acto de presentación dos datos recolleitos...