A Garda Civil espera os resultados da autopsia que se lle procedeu a practicar a unha veciña da Pontenova de 85 anos de idade no Hospital Universitario Lucus Augusti (HULA) de Lugo tras ser atopada morta na súa casa e con mordeduras de can.
Fontes da investigación, que sitúan o deceso fai “un par de días”, puntualizaron que foi un sobriño o que achou o cadáver da muller, que presentaba mordeduras de can. Por parte da Garda Civil precisouse que “o médico non certificou a causa” da morte “ata que non teña o informe da autopsia”, que se lle practica no HULA.
As mesmas fontes aclararon que o cadáver “non” presentaba signos de violencia á marxe desas mordeduras e indican que agora para pechar o caso hai que esperar a ese informe do hospital.
Aínda que como cando se abre unha investigación barállanse todas as hipóteses, a que cobra máis forza céntrase en que a muller xa estaba morta cando o can a puido atacar e as mordeduras puidéronse deber á “fame” do animal.
Please wait while you are redirected...or Click Here if you do not want to wait.
