InicioSucesosA Garda Civil vincula ao 'Luciérnaga' máis de 90 roubos cun valor...

A Garda Civil vincula ao ‘Luciérnaga’ máis de 90 roubos cun valor de medio millón de euros

O ladrón permanece en prisión logo de protagonizar un asalto a un concesionario en Chantada, mais no seu historial figuran unha chea de subtraccións en locais hostaleiros, tendas ou mesmo unha clínica veterinaria.

PUBLICADA O

- Advertisement -

A Garda Civil de Lugo pechou a investigación sobre un mozo de nacionalidade romanesa alcumado ‘O Luciérnaga’ ou o ‘Solitario’, ao que se atribúen máis de 90 roubos estimados en case medio millón de euros.

Tras un ano de pequisas, a Policía Xudicial da Garda Civil de Monforte, encargada do caso, clausurou a investigación contra este home, detido en setembro de 2019 tras protagonizar un asalto a un concesionario de Chantada. Desde daquela, ‘O Luciérnaga’ atópase na prisión da Mansilla de las Mulas á espera de render contas polos delitos que se lle imputan desde 21 xulgados diferentes, a maioría en Galicia e na comunidade de Castela e León.

O ‘MODUS OPERANDI’

Segundo relata un dos axentes que participou na detención deste individuo, o ‘Luciérnaga’ cruzou a fronteira española desde Irún para trasladar o seu campo de acción a Galicia, en concreto á provincia de Lugo.  Procedía de Paris e no seu historial acumulaba roubos e asaltos a establecementos no seu país de orixe, segundo contrastaron os investigadores coa información sumnistrada por Europol.

O Instituto Armado considera que detrás do ‘Luciérnaga’ non hai “ningún” grupo organizado, senón que actuaba sempre en solitario. O seu ‘modus operandi’ consistía en aparcar o seu coche, un Volkswagen gris, nunha zona apartada, desde onde se dirixía ás localidades onde cometía os roubos.

De feito, os investigadores determinan que durmía no vehículo, xa que só acreditaron dúas pernoctaciones en pensións de Galicia durante os seis meses nos que, supostamente, actuou na comunidade.  Ataviado cun chapeu de pescador e ocultando o seu rostro cun pasamontañas, accedía aos establecementos sempre entre as 03,00 e as 06,00 horas da madrugada. Facíao despois de inspeccionar os locais para detectar se contaban con alarmas ou sistemas de seguridade.

MEDIO MILLÓN DE EUROS

‘O Luciérnaga’, que nos seus perfís de redes sociais mostrábase como un experto en artes marciais e boxeo, empregaba “tácticas habituais de grupos militares, reptando polo chan” para acceder aos locais onde perpetraba os roubos e que ían desde os concesionarios de coches a tendas de roupa, restaurantes, bares e mesmo unha clínica veterinaria.

En total, os investigadores estiman que este individuo chegou a subtraer efectos valorados en máis de medio millón de euros cunha media dun “catro ou cinco mil euros” en cada un dos máis de 90 golpes que se lle atribúen.

A operación que terminou coa súa detención en setembro de 2019 recibiu o nome de ‘Tropilates’ debido ao nome dun bar e unha xeadería de Chantada onde se detectou a súa actividade por primeira en vez en Galicia. Daquela foi cando foi alcumado como ‘O raposo’.

A Garda Civil dá por concluída a investigación, no que á súa demarcación corresponde, aínda que recoñece que podería intervir a Policía Nacional no esclarecemento doutros delitos deste mozo romanés que, segundo a Benemérita, ostenta o record de roubos actuando sempre “só”.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...