EFE | Unha inspección da Policía Autonómica de Lugo resultou coa denuncia a tres persoas que consumían bebidas alcóholicas no interior dun salón de peiteado da cidade de Lugo. Non mantiñan a distancia de seguridade nin respectaban o uso obrigatorio da máscara.

Segundo fontes da Policía, levantáronse actas de infracción por incumprírense as medidas de prevención contra a Covid-19. Ademais, tamén tramitaron unha acta de denuncia por consumo de alcol nun establecemento non autorizado e outra dirixida á Inspección de Traballo por irregularidades na contratación do persoal, dado que un dos empregados carecía de contrato de traballo.

Outra das actas tramitadas polos axentes vai dirixida ao Concello de Lugo, dado que o local non dispoñía de licenza municipal como salón de peiteado. A inspección saldouse coa identificación de cinco persoas e a tramitación de seis denuncias.