- Advertisement -
O Parlamento de Galicia pediu, por unanimidade dos grupos, que a Xunta “se comprometa” coa circunvalación de Carballo e que tamén “se implique” no desenvolvemento do polígono industrial de Muras.
As dúas iniciativas, a primeira do PSdeG e a segunda do BNG, recibiron o apoio de todos os grupos, incluído o do PPdeG, na comisión de industria da Cámara autonómica.
Deste xeito, o Parlamento insta á Xunta “a que se comprometa a iniciar nesta anualidade o compromiso orzamentario de executar a construción da circunvalación de Carballo”.
Así mesmo, ínstalle a “implicarse no desenvolvemento do polígono industrial de Muras axilizando os procesos administrativos para comezar canto antes a súa construción”.
