Un home faleceu este mediodía no municipio lucense da Pastoriza ao caerlle encima unha rama dunha árbore, segundo informaron fontes do 112.

O suceso produciuse nunha leira particular próxima á igrexa de San Cosme de Piñeiro, sobre as 13:10 horas. A vítima estaba a realizar na leira traballos forestais. O 112 mobilizou ao 061 e á Garda Civil, pero os servizos de emerxencias nada puideron facer xa por salvar a vida do home.

Tamén foron mobilizados os Bombeiros de Vilalba, porque nun principio informouse de que a vítima estaba atrapada, pero finalmente non chegaron a intervir.