EFE | Un home de 45 anos residente na Coruña foi identificado tras difundir un vídeo nas redes sociais no que se vía que circulaba a 240 quilómetros por hora nun tramo da A-6 á altura de Begonte.
Segundo informa a Garda Civil, as imaxes gravadas polo propio condutor amosan que superaba os 230 km/h e que mesmo chegaba a alcanzar os 240 km/h. Ademais, a zona pola que circulaba está considerada “de risco” debido aos numerosos sinistros alí rexistrados, principalmente por exceso de velocidade. Precisamente as autoridades instalaron nesa zona un radar de control de velocidade co fin de rebaixar a accidentalidade.
Tras detectar o vídeo, os axentes identificaron o lugar e a data de gravación, o vehículo utilizado e, finalmente, ademais, o condutor, acusado dun delito contra a seguridade viaria.
O home terá que comparecer nun xuízo rápido nos próximos días no Xulgado de Vilalba. Podería enfrontarse a unha pena de tres a seis meses de prisión.
