O carril da A-6 en dirección A Coruña atópase cortado na mañá deste luns á altura do municipio lucense de Baralla, onde un camión frigorífico envorcou de madrugada.

En concreto, segundo informa a Europa Press a Dirección Xeral de Tráfico (DXT), o accidente ocorreu no punto quilométrico 471 de dita autovía, o que obriga a desviar os coches cara á N-VI para, máis adiante, poder reincorporarse.

O camión envorcou á altura da parroquia de Sobrado de Picato sobre as 4,00 da mañá, tal e como indica o 112. Foi o propio condutor quen se puxo en contacto coa central de emerxencias para solicitar axuda.

Seguidamente, o 112 avisou ao 061-Urxencias Sanitarias e aos axentes da Garda Civil de Tráfico. Unha vez no lugar, os equipos de intervención confirmaron que, para facilitar a retirada do vehículo sinistrado, houbo que interromper a circulación en ambos os carrís da calzada, aínda que horas máis tardes continúa cortado tan só un, o que vai cara á Coruña.