A Policía Local de Lugo interceptou un condutor que cuadriplicou a taxa máxima de alcoholemia tras sufrir un accidente ao chocar con outro vehículo na capital luguesa.

Segundo informou a Policía Local, o suceso ocorreu o pasado 7 de novembro na confluencia da Rolda das Fontiñas con Carril dos Indios. Alí, dous turismos chocaron e resultou danado un terceiro coche que estaba estacionado.

Ao practicarlle as probas de alcoholemia, o condutor presunto responsable do accidente obtivo positivo de 0,94 mg/l, o que supón catro veces máis a taxa máxima permitida. Por iso, instruíronse dilixencias por un delito contra a seguridade viaria na modalidade de xuízo rápido.