Dous falecidos en hospitais galegos e dúas mortes producidas en residencias de maiores elevaron ata 668 as vítimas mortais relacionadas coa COVID-19 en Galicia. Delas, tres producíronse na provincia de Lugo

Segundo a información proporcionada pola Consellería de Sanidade, os falecidos en atención hospitalaria son dous homes de 81 e 71 anos, ambos con patoloxías previas, que se atopaban ingresados no Complexo Hospitalario Universitario de Santiago e no Hospital Lucus Augusti de Lugo.

Por outra banda, informouse de dous novos falecementos ocorridos en residencias, un interno infectado na DomusVi Lugo, en Outeiro de Rei, e outro na residencia do Incio.