Axentes da Policía Nacional adscritos á Comisaría Provincial de Lugo, encargados da investigación de delitos contra as persoas, detiveron a un home veciño da cidade, sen antecedentes, por un delito de falsidade documental por falsificar o adhesivo da ITV.
Segundo informou a Policía Nacional, os feitos ocorreron ao ser interceptado o vehículo e constar sen a correspondente ITV, pero con todo no parabrisas portaba o adhesivo correspondente da revisión do ano en curso.
Con iso realizáronse as comprobacións necesarias para aclarar a situación, que levou a que o agora detido puxera o adhesivo doutro vehículo no seu para non pasar a revisión, motivo polo que foi detido e remitido o actuado á autoridade xudicial, á espera de xuízo. As mesmas fontes policiais destacaron que o individuo detido por falsificar o adhesivo alegou que lle cambiaron o parabrisas co adhesivo xa posto.
Doutra banda a Policía Nacional, a través dos seus indicativos de Radiopatrullas, recuperaron un vehículo marca Minicooper que fora subtraído na localidade madrileña de Alcorcón.
