Axentes do Corpo Nacional de Policía (CNP), na chamada ‘Operación Crucigrama‘, detiveron a un home de 53 anos e con múltiples antecedentes penais, por utilizar envíos de revistas ou libros aos centros penais de Bonxe (Lugo) e Teixeiro (A Coruña) para introducir heroína en ambos cárceres entre as súas páxinas.
Segundo informou a Comisaría Provincial de Lugo, a investigación púxose en marcha no mes de maio, cando un veciño da cidade presentouse na Oficina de Denuncias e Atención ao Cidadán para informar de que Correos devolvéralle un paquete do centro penal de Bonxe que el non enviara.
Os axentes que inspeccionaron o seu contido decatáronse de que algunhas páxinas dos volumes que formaban parte do envío estaban pegadas e no seu interior había unha substancia “polvorienta de cor marrón entre papel de fumar”, que resultou ser heroína.
Ao poñer en marcha unha investigación, os axentes encargados do caso pronto descubriron que o agora detido utilizaba nomes e domicilios doutras persoas para realizar envíos de revistas ou libros aos centros penais de Bonxe e Teixeiro.
Para meter a droga no cárcere, introducía a heroína entre dúas páxinas, envolvida en papel de fumar, e logo pegábaas para que parecese unha soa, de forma que pasaba sen xerar sospeitas os controis de entrada.
Trágase dun vello método que, segundo a policía, hai “moito tempo” que deixara de ser utilizado.
O detido foi posto onte a disposición xudicial.