EFE | Un condutor foi detido pola Policía Local de Lugo tras circular pola Rolda da Muralla a gran velocidade, sen carné en vigor e totalmente ebrio. Ademais de insultar os peóns, o home derrubou co seu coche os conos provisionais que delimitan o novo paseo peonil arredor do monumento romano.
Os feitos ocorreron o pasado 13 de marzo, sobre as 19:00 horas, cando varios particulares chamaron á central de comunicacións da Policía Local para avisar do comportamento temerario dese condutor na Rolda da Muralla, cuxo carril interior foi peonalizado durante o proceso de desescalada.
Axentes da Policía Local lograron interceptalo aos poucos minutos na Rúa García Abad. Ao comprobar que presentaba síntomas de embriaguez, foi sometido á correspondente proba de alcoholemia e deu unha taxa de 0,80, máis do triplo do permitido pola lei. Ademais, comprobaron que levaba encima unha bolsa de marihuana e que tiña o carné de conducir caducado desde o ano 2019.
A Policía Local instrúe dilixencias por un suposto delito contra a seguridade do tráfico. EF
